New Year Poem, Ab Ke Sal Kuch Aisa Kerna

Ab Ke Sal Kuch Aisa Kerna

Apne Pichle Barah Mah Ke
Dukh Sukh Ka Andaza Kerna
Guzri Yadien Taza Kerna
Sadah Sa Ik Kaghz Le Ker
Bhule Basre Pal Likh Laina
Apne Sare Kal Likh Laina
Phir Us Beete Ik Ik Pal Ka
Apne Guzre Ik Ik Kal Ka

Ik Ik More Ka Ahatah Kerna
Sare Dost Ikathe Kerna
Sari Subhe Khazir Rakhna
Sari Shamey Pass Bulana
Or Ailawa In Ke Dekhoo
Sare Mosam Deehan Mai Rakhna
Ik Ik Yad Guman Mai Rakhna
Phir Muhtat Qayass Lagana
Ger To Khushiya Bher Jati Hai
To Phir Tum Ko Meri Taraf Se
” Ane Wala Sal Mubarak ”

Aur

Ager Ghum Bher Jaye To
Mat Bekar Takaluf Kerna
Dekhoo Phir Tum Aisa Kerna
Meri Khushiya Tum Le Laina
Mujh Ko Apne Ghum De Dena

Ab Ke Sal Kuch Aisa Kerna!!!!

New Year Dard Shayari, Guzarta Hua Saal Jaise

Guzarta Hua Saal Jaise Bhi Guzraa,
Magar Saal Ka Aakhri Din Nihaayat Kathhin Hain
Suno…!!!
Naye Saal Ki Muskuraati Hui Subha,
Yeh Bujhhta Hua Dil Dharakta To Hai Muskuraata Nahi,
December Mujhe Raas Aata Nahi..!!

New Year Love Shayari, Shayad Khushi Le Aye

Shayad Khushi Le Aye Naya Anne Wala Saal,
Yaa Aur Bhi Begaana Hamain Zindagi Kerde,
Es Saal Chahat Aur Bhi Badh Jaye Kya Kahaber,
Yaa Aur Bhi Diwana Hamain Diwangi Kerde.

New Year Sad Shayari, Suno December

Suno December! Usay Pukaro
Suno December! Usay Mila Do

Ab Is Se Pehley K Saal Guzre
Ab Is Se Pehley K Jaan Nikle

Wohi Sitara Meri Lakeeron Mai Qaid Ker Do
Is Akhri Shab K Aakhri Pal Koi Bada Ikhtitam Ker Do

Ye Zindagi Bi Tamam ker Do
Suno December! Usay Bula Do.

New year Dard Shayari, December K Mahine Ka

December K Mahine Ka
Woh Shayad Aakhri Din Tha
Baras Guzray Kaee
Maine “Mohabbat” Lafz Likha Tha
Koi Kaghaz K Tukray Par
Achanak Yaad Aaya Hai
Kisi Se Baat Karni Thi
Ussay Kehna Tha Jan-E-Jaan
Mujhay Tumse Mohabbat Hai
Magar Main Keh Nahi Paya
Woh Kaghaz Aaj Tak
Lipta Para Hai Dhool Main Lekin
Kisi Ko Day Nahi Paya
Dobara Chah Kar Bhi Main
Mohabbat Kar Nahi Paya.

New Year Sad Shayari, Ye Sard Shamain Ye Zard Pattay

Ye Sard Shamain Ye Zard Pattay,
Ye Mere Qadmon Main Larkharahat,

Guzarti Saal K In Palon Main
Main Jis Ki Chahat Ko Khojta Hoon,

Wo Jaa Chuka Hai Mahino Pehle
Tapish Thi Jis Ki Lahoo Main Mere,

Wo Is December Main Ruk Gayee Hai,

Bohut Hai Mushkil K Ab Ho Aisa
K Mujhpee Ab k Ye Saal Guzre.

New Year Shayari, Naye Saal Main Gulab Dheron

Naye Saal Main Gulab Dheron Khilane Hain,
Rothe Huye Dost Saare Manane Hain,
Band Aankhon Main Jo Chub Rahe Hain Rait Ki Tarhan,
Palkon Ko Khol K Aansoo Saare Girane Hain.

New Year Shayari, Gaye Mousam Main Jo Khilte The

Gaye Mousam Main Jo Khilte The Gulaboon Ki Tarha,
Dil Pe Utre Gaye Wohi Khawab Azzabon Ki Tarha,
Koun Jane K Naye Saal Main Tu Kisko Parhay,
Tera Maiyyar Badalta Hai Nisabon Ki Tarha.